İçəridən gəlirlər. Bəy hamamdan çıxır. Zurnaçılar çalmağa başlayırlar. Pərdə enir, Amma zurna səsi gəlir. İki dəqiqədən sonra pərdə qalxır. Zurna kəsir. Səhnədəkilər geyinmələrini tamam edirlər. Məşədi İbad yaxasını düymələyir, sonra əlinə aynanı alıb, saqqalına baxır. Həsənqulu bəy surtukunu geyir, Rza bəy varatnikini taxır. Həsən bəy başını darayır. Əsgər çəkmələrini geyir, hambal patavasını dolayır. Sairələr də kimi başını qurudur, kimi düymələrini bağlayır.

Məşədi İbad, səhhəti-vücud! Allah mübarək eləsin! Oğullu-uşaqlı olasan!

Sağ olasan, vücudun bibəla olsun!

Allah mübarək eləsin, allah mübarək eləsin!

(bəylərə). Bəydadaşlar, hamam xoşunuza gəldimi? Çünki sizlər bizim hamamlara gəlməzsiniz, ona görə soruşuram.

Hərgah mən bir papaq alaydım və o papağa beş yüz otuz altı manat pul vermiş ola idim və bir nəfər də o papağı mənim başımdan götürüb müsəlman hamamının içinə tollaya idi, mən papaqdan əl çəkərdim, amma hamama girməzdim. Lakin Məşədi İbada söz vermişdim deyə, daha sözümdən qaça bilmədim.

(sınır). Bəydadaş, guya mənim hamamım murdardır? İçində urus çimir, erməni çimir, yəhudi çimir?!

Rəhmətliyin oğlu, girirəm xəznəyə, bilmirəm ki, bu içində çimdiyim sudur, neftdir, həlimdir, yoxsa bozbaşdır. Həzərat, vallah, sabah bunu mən qəzetimdə yazaram. Belə eləməyin!

Əşi, insafdır, o xəznəyə mən də girim, bu hambal da girsin? (Hambalı göstərir).

Bəy, məgər hambal hamamda çimməz, bəs hambalın canı can deyil?

Rza bəy prav. Doğrudan, mən də xəznəyə girib bilmədim ki, sudur, yoxsa ayrı bir jidkostdur. (Həsənqulu bəyə). No vı, vı rassujdayete kak burjuy! Necə yə'ni mən də girim, hambal da girsin, məyər hambal da sənin kimi adam deyil?

Əlbəttə, adamam!

Onun da iki qulağı var, sənin də!

Əlbəttə, iki qulağım var, bə nədi?

Onun da bir burnu var sənin də!

Əlbəttə, bir burnum var, bə nədi?

Yedinstvennaya raznitsa bundadır ki...

(sözünü kəsir). Bilirsən nə var, Həsən bəy! Sən keçən səfər Məşədi İbadla savaşdın, yenə də o bir evin içində oldu ki, heç kəs bilmədi, amma bura hamamdır, özün bilirsən ki, obşestvenni yerdir, təvəqqə edirəm ki, burada savaşmayasan.

Net, mən kak istinnıy narodnik protestuyu!

Bunlar, — Rza da iştirak edir, — əllərilə işarələrlə danışıb bəhs edirlər.

(adamları nəzərdən keçirməklə sayır). Görəsən bunların hamısının hamam pulunu, inşaallah, mən verəcəyəm, hə?.. Bu bahalıqda bir bu qədər hamam pulu heç bilirsən neçə elər? Görüm, hamamçını bir kələkləyə bilərəmmi?

(münaqişəyə davam edərək). Da ostavte menya v pokoye!

Net! Ya doljen protestovat.

Əşi, ayıbdır hamamın içində...

Da protestuyte, skolko xotite!

(bərkdən). Ya ne pozvolyu, çtobı...
Əsgər, Rza tez durub bunların aralarına girirlər ki, aralaşdırsınlar.

Əsgər, Rza tez durub bunların aralarına girirlər ki, aralaşdırsınlar.

Bunların hamısı, görünür ki, mənim xəznəmin suyunun tə'sirindəndir.

(onlara). Bura bax, a!.. Cənçəl eləmək neyçün? Kişinin hamamında iki saatdır ki, müftə çimib-siniz, hələ bir durub cəncəl də salırsınız? Eyibdir ki... (Sükut; hamamçıya müraçiətən). Məşədi Qəzənfər, sənin yadına gəlməz; çünki çox kiçikdin, mən ilk toy eləyəndə ki mərhum Kərbəlayı Murtuzanın qızı, rəhmətlik Sonanı almışdım, toy həmin bu hamamda oldu. O zaman sənin oturduğun yerdə rəhmətlik sənin atan Məşədi Səməndər əyləşmişdi. Çıxanda durdum pul verməyə, dedi: ayıbdır ki... Nə qədər eylədim, pul almadı, yalvardım-yaxardım, almadı ki, almadı... Qərəz, rəhmətlik çox gözəl kişi idi...

Hamı bir-birinə baxıb himləşir.

Heç mənim özümü demirsən... Keçən həftə bizim Məşədi Muxtarın toyu idi ki, mənimlə bərk aşnadır. Gəldilər hamama, gedəndə nə qədər eylədi, pul almadım, dedi inciyərəm səndən, dedim mən də inciyərəm səndən, almadım. Yanında lap bu Həsənqulu bəyə oxşayan bir nəfər bəy var idi. Çıxartdı cibindən iki dənə yüzlük ustümə atdı, istədim almayam, razı olmadı. Əlli manat dəlləyə verdi. Camadarların hərəsinə on manat naçay bağışladı; onun sabahı bir də görüm ki, bir dəst yaxşı libas, iki kisə ə'la həna, bir kəllə qənd ğ,ə bir dənə şirniyyat xonçası gəlibdir. Bunu da toy sahibi Məşədi Muxtar göndərmişdi. Axşam da ki, toyda idik. Qərəz, çox canfişanlıq oldu.

Bəylər himləşib gözləşirlər.

(Həsən bəyə). Vı vezde umestno, neumestno lezite sporit.

Yenə başladılar ki...

Ya ne moqu, ya doljen protestovat, ya celovek s ubejdeniyem.

Da vı, prosto obmanşik i vse!

(bərkdən). Çto? Vı menya oskorblyayete?

(o da bərkdən). Da oskorblyu!

Ara qarışır, Rza, Əsgər, sair qoçular qalxıb, onları aralaşdırmaq istəyirlər.

V takom sluçaye ya uxoju i potrebuyu udovletvoreniye za oskorbleniye. (Gedir).

(onun dalınca). Həsən bəy, Həsən bəy, hara gedirsən, bir dayan. (O da onun dalınca gedir).

(kefsiz) — Həzərat, bağışlayın, xudafiz!.. (Gedir).

(onun dalınca). Əşi, bir dayan görək, bu saat hamımız gedirik!

Gedir, adamları da onun dalınca çıxırlar. Qalır hamam əhli ilə Məşədi İbad və hambal.

(kənara). Lotular pul söhbətini eşidib qaçdılar. Yox, mənim kələyim baş tutmadı!

Məşədi, sənin bu aşnaların nə hirsli adamlardır?

Havanın tə'sirindəndir. (Ona). Qərdəş oğlu, haqq-hesabımız neçə elədi?

Daha onu soruşmazlar ki, toy hamamıdır, neçə verirsən ver, istərsən mən də atam kimi səndən heç zad almayım...

Xeyr, çox sağ ol! (Kənara). O, mənə baha oturar. (Pul çıxardır verir). Bəsindirmi?

Bəsdir, allah bərəkət versin!

(camadarlara). Balam, ala, bu da sizin! Bunu da içəridəkilərə verərsiniz.

Çox sağ ol, Məşədi! Allah bərəkət versin!

Məşədi, abbasını vermədin, ha!..

Adə, get gör bunlar necə oldu. Deyinən ki, qorxmayın; hamam pulu verildi , gəlsinlər bəyi hamamdan çıxarsınlar. (Zurnaçılara). Balam, siz də bir şey çalın, camaat yığılsın hamama, çıxaq gedək.

Zurnaçılar çalırlar, bir qədər keçmiş çıxıb gedənlər hamısı geri qayıdırlar.

(durur). Ya allah!..

Hambal kömək edib duşürür aşağı. Zurnaçılar da qabaqda çala-çala çıxıb gedirlər. hamamçı, dəllək Məhərrəm, Kərbəlayı Nəsir və camadarlar yerlərində qalır, yenə də əvvəlki sayaqda olurlar.

Bu urusbabılar heç ildə bir dəfə hamama getməzlər, qüsl-təharət nə olduğunu bilməzlər, gəlib burda mənim hamamımı pisləyirlər. Əşi, bir insaf ilə danışaq: harda yuyunub təmiz olarsan?

Hamamda!

Harda suya batıb çıxa bilərsən?

Hamamın xəznəsində.

Daha kim deyə bilər ki, hamam pis şeydir?

Əşi, heç kəs!

Bəs elə isə de gəlsin!

Hamamın içində, içində də çölündə (2 dəfə)
Yay, yaz, qış, bahar isti, sərin var.
Dövlətli, kasıb, gəl, gəl, yerin var,
Dövlətli, kasıb, tez gəl, yerin var, gəl!..

Usta Məhərrəmlə Məşədi Qəzənfər kürkünü salıb oynayırlar, camadarlar da çırtıq vururlar.)