Rza vaqe olub Həsənqulu bəyə baş əyir və Məşədi İbadın yanına gedir.

Salamünəleyküm, Məşədi! A kişi, bu nə əhvalatdır, deyirlər ki, qızın iki adaxlısı var imiş!

Ay Rza bəy, səndən bir təvəqqəm var, sən gəl qələmi al əlinə və bu əhvalatı qəzetdə yaz, Rüstəm bəyi biabır eylə, çox təvəqqə edirəm!

Bağışlayın, Məşədi, mən onu eyləyə bilmərəm!

Yox, Məşədi. Mən bacarmaram və heç vaxt müğyir-məslək iş görə bilmərəm!

Bax, elə yaz ki, xalq oxuyub Rustəm bəyə zad eyləsin... Adı nədir?!.. Siz ona nə deyirsiniz?

İzhari-nifrət!

Hə,hə!…İzhari-nifrət, izhari-nifrət!

Bu halda intelligent H ə s ə n gəlir.

Sən keçən səfər məni askarbit eləmişsən, zato mən səni suda çəkmişəm.

A kişi, sən allah, əl çək məndən. Mənə meymun dedin bəs deyil, sonra da suda çəkirsən?!

Xeyr, əl çəkmərəm, gərək sudda cavab verəsən.

Ay camaat, mən burda öz həşrimə qalmışam, bu da gəlibdir ki, səni suda çəkirəm!

(Məşədini bəri çəkir). Məşədi, ağzına bir şey ver, rədd olsun!

Yə'ni buna da pul verim?

Bir əlli manat ver, əl çəkər.

(çıxardır). Ala, ala, rədd ol başımdan!..

Eto druqoye delo. Ərizəmi geri alaram.

Diriqoy, ya qeyri diriqoy...

A Məşədi, bu qədər xəlqə pul paylıyırsan, mənə də bir abbası ver, belimi sındırıbsan!

Əşi, rədd o ol yana, bir sən qalmışdın ki, məni soyasan. (Yüyürür hambalın üstə, hambal qaçır, amma sonra yenə gəlir).

Həzərat! Gəlin bu məsələni müzakirəyə qoyaq. Axı belə iş olmaz ki, Rüstəm bəy eyləyir, bu kişi də axı yazıqdır. Pulu gedir, özü də biabır olur. Gəlin bu saat Rüstəm bəyi bura çağıraq və onunla seryoznı danışaq!

Əlbəttə, əlbəttə.

Qapını döyürlər. R ü s t ə m bəy gəlir.

Böylə olmaz ki, sən aldadasan bizi,
Sən verirsən qızı
Özgə adama ərə getsin. (2 fədə)
Bəs bu kişi yazıq necə etsin? (2 dəfə)

Allaha and olsun, budur deyirəm:
Qızı mənə, qızı mənə gərək verəsən.
Verməsən hərgah, eylərəm bədnam,
Çünki mən bir adamam, baxmaram bəyə.

Böylə olmaz ki, sən... (i. a...).

Sözün doğrusu, mən qanmıram ki, siz nə deyirsiniz!

Necə qanmırsan? Mənim pulumu yeyib, yalandan deyirsən ki, qızı sənə verəcəyəm, amma özgəsinə verirsən.

Kim deyir onu?

Öz gözümlə gördüm ki, sənin qızının yanında bir cavan oğlan durubdur, soruşdum ki, ədə, sən kimsən, dedi: mən qızın adaxlısıyam!

Ha, ha, ha,!.. O kişi zarafat edibdir. Bilirsənmi o kimdir? O qızın öz dayısıdır. Səninlə lotuluq eləyibdir. Sən də inanırsan və bir də (onlara) Həsən-qulu bəy, Rza bəy, sizin üçün eyb olsun ki, bu cürə axmaq sözə inanıb, mənim qapıma gəlirsiniz. Mən çox inciyirəm.

Rüstəm bəy, vallah, bağışla bizi, Məşədi İbad yoldan çıxartdı.

Sən allah incimə bizdən, burada, rus demişkən, nedarazumeniya əmələ gəlibdir.

(Rüstəm bəyə tərəf gedib, əlindən tutur). Bağışla, bəy, allah səndən razı olsun ki, bizi şəkki-şübhədən çıxartdın. Amma, vallah, əhvalım çox pəri-şan olmuşdu. Ə kişi, mən deyirəm ki, axı Rüstəm bəy kişidir, belə şey eləməz. Qərəz ki, allah şeytana lə'nət eyləsin! (Gülə-gülə). Rustəm bəy mən istəyirəm ki, toyu bu günlərdə başlayam. Nə deyirsən?

Çox da yaxşı olar, nə qədər tez olsa, bir o qədər yaxşıdır.

Onda mən bu gün istixarə elətdirərəm, bu yaxın xoş günlərin birində toyumuzu başlarıq.

Allah mübarək eyləsin! Məşədi İbad, toy hamamında bir yerdə çimək.

İnşaallah, bir yerdə çimərik. (Kənara). Bu şərtlə ki, hamam pulu sizdən!

Məşdi İbad, çox mübarək olsun! (2 dəfə)
Toyun sənin çox mübarək əst! (2 dəfə)

Çox sağ olun, çox da razıyam,
Zəhmət çəkib iş düzəltdiniz.

Məşdi İbad, çox mübarək olsun!
Toyun sənin çox mübarək olsun!
Çox mübarək olsun, çox mübarək olsun!
Olsun, olsun, olsun, olsun!..